Bakehouse

营业中

休息中

平时经过bakehouse一定系大排长龙，点知星期日12点去到又唔洗排队，所以就直入了（不过要坐楼上bar枱位）。餐厅冇乜冷气，所以有少少热，叫左杯冻matcha latte同cubano（内含pulled pork，ham，cheese，cuban bread，mayo，pickle），我睇中佢有大量protein 啱晒我😋。天气好热，一坐低员工就递上一杯水非常贴心，而且即刻介绍是日餐汤，同埋落单方法（就系直接同佢落单），如果想食烘焙产品就自己落去睇，睇完同佢落单。我一条友食唔多，所以d酥饼面包今日就免了。等咗一阵饮品先上，解一解热。个包等咗10靓分钟就上啦，面头应该有微微烘过，不过唔算好脆，温度系啱啱好可以攞上手食。芝士冇拉丝，系已经溶左再凝固返既状态。味道唔会过咸，女仔食系非常饱肚，我冇食早餐过去，食咗3/4个包+饮晒杯latte就饱咗。