影片
更多
2024-09-04
893 浏览
今日同男朋友去荃湾上堂，上堂前拿拿临去食个快lunch，行过见到呢间主打食面嘅餐厅就谂住入去试吓。间餐厅望落啲装修好新净，睇嚟应该开业无耐，我哋𠮶日大概12点几入去，个场大概坐满一半人，点知我哋一叫完嘢食无耐，我哋坐嘅四人枱都要搭枱，全场爆满😂餐厅主要就系有面食同埋唔同嘅小食，面就有一啲酸辣汤、蕃茄汤同埋沙茶面等等。见佢招牌主打沙茶面，我同男朋友就分别叫咗个酱卤大肠沙茶面同埋肥牛沙茶面试试，而面底我哋就喺几款面入边拣咗台湾面😋两个面嚟都算几大碗，而且卖相都唔错。先试个汤底，虽然唔系好杰，但就好香浓沙茶味，啲𩠌嘅分量亦算多，大肠好咬口几爽，有啲脂肪但又唔会好肥腻，男朋友嘅肥牛我试咗一旧都唔错，唔会煮得太老，而个台湾面底都算唔错，烟靭有咬口同索汤👍🏻我哋除咗叫面之外，都另外叫多咗两个小食，盐酥鸡同埋崩沙腩，而崩沙腩作为Menu入边最贵嘅小食，果然冇令我哋失望，横膈膜位置，软腍味香，肥瘦啱啱好，而且牛味够浓又香😋至于个盐酥鸡就好有惊喜，份量多之余炸得亦好金黄，睇得岀系啱啱炸起，仲锁住到啲汁，同时又唔会油淋淋👍🏻 整体嚟讲依间面馆嘅性价比都好高，可以再战😉
今日同男朋友去荃湾上堂，上堂前拿拿临去食个快lunch，行过见到呢间主打食面嘅餐厅就谂住入去试吓。间餐厅望落啲装修好新净，睇嚟应该开业无耐，我哋𠮶日大概12点几入去，个场大概坐满一半人，点知我哋一叫完嘢食无耐，我哋坐嘅四人枱都要搭枱，全场爆满😂
餐厅主要就系有面食同埋唔同嘅小食，面就有一啲酸辣汤、蕃茄汤同埋沙茶面等等。见佢招牌主打沙茶面，我同男朋友就分别叫咗个酱卤大肠沙茶面同埋肥牛沙茶面试试，而面底我哋就喺几款面入边拣咗台湾面😋两个面嚟都算几大碗，而且卖相都唔错。先试个汤底，虽然唔系好杰，但就好香浓沙茶味，啲𩠌嘅分量亦算多，大肠好咬口几爽，有啲脂肪但又唔会好肥腻，男朋友嘅肥牛我试咗一旧都唔错，唔会煮得太老，而个台湾面底都算唔错，烟靭有咬口同索汤👍🏻
我哋除咗叫面之外，都另外叫多咗两个小食，盐酥鸡同埋崩沙腩，而崩沙腩作为Menu入边最贵嘅小食，果然冇令我哋失望，横膈膜位置，软腍味香，肥瘦啱啱好，而且牛味够浓又香😋至于个盐酥鸡就好有惊喜，份量多之余炸得亦好金黄，睇得岀系啱啱炸起，仲锁住到啲汁，同时又唔会油淋淋👍🏻 整体嚟讲依间面馆嘅性价比都好高，可以再战😉
张贴
