蜀客 (已結業)

蜀客呢间餐厅装修算好靓, 环境舒服, 服务都十分好.出面就望到海, 算系唔错.胡辣牛肉(198$) 牛肉份量比想像中多, 底系芽菜, 牛肉有小小花生酱既味, 偏咸,整体呢间餐厅所有菜都有小小偏重味.呢个味道好浓, 所以我觉得呢到点菜一定要点白饭送,如果只食菜会有小小济. 牛肉好滑, 筷子都难夹既地步, 牛肉有点甜. 整体如果送饭, 平衡感岩岩好!推对可以一试!糖醋里脊肉(188$)味道都系偏重, 但送饭就岩岩好, 偏甜, 肉感系外皮小脆内面系松软, 酱汁好入味, 口感都好正, 猪肉黎讲唔硬同易咬好紧要, 因为个肉身比较厚,如果唔够松软会变到好难去咬.但呢到充分发挥左大厨功力, 易入口!宫保虾球(268$) 餐厅推荐的菜式, 一食个鲜味就系新鲜食材, 口感好弹牙爽口, 味道有小小偏咸,都系偏重味小小, 小小酸会令到人开胃小小更想食更多.杂酱面(68$) 原本试下用黎代替饭, 但系本身味道都好好, 但因为食物偏浓, 个杂酱面都浓味, 所以代替唔到饭去中和返D重味.不过只论杂酱面本身系好食, 捞面类既食法, 杂酱既味道岩岩好够重, 唔洗加任何调味都好好食, 面有小小弹牙系我中意既口感!整体价