影片
更多
2022-08-09
388 浏览
呢间饺子店，食过佢九龙店，估唔到原来港岛区都有分店店内装修大同少异，被呢幅颜色鲜艳嘅饺子画吸引住枱上有呈自家腌制嘅酸甜萝卜粒任食，味道甜中带酸，萝卜粒爽脆，未开餐先开胃........首先出场系至尊松茸饺 ($80/8只)，只只饺都几饱满，汤同饺系分上阿姐比埋碟至尊酱点饺食，味道微辣少咸; 咬开就食到原只松茸，松茸味相当出，猪肉馅料相当札实，欢喜松茸嘅，呢客饺无令人失望。跟饺有埋碗状元九鼎汤，以蛇果，生鱼，淮山，无花果及猪尾骨煲，绝无味精，鱼嘅鲜甜味道几出，功效补气健脾，饮落舒服。有D饺子系要煎先岩数，就例如芫茜饺 ($65/10只)，煎得外皮香脆但又唔会油令令趁热食，一咬先食到脆口外皮，之后就到芫茜香，点埋醋汁食就仲正斗。热饺配四川凉面 ($30)，大量花生碎洒系面条上，加点绿色如青瓜丝及葱粒，附上麻酱。可选择辣度，当然试小辣先。将惹味辣汁与面条捞均，面条够爽口，酱汁辣中带少少酸味，加埋麻酱多一份芝麻香味，就咁单食都好味。加咗客回味手拍青瓜 ($25)作为小食，少少麻辣味几惹味，清爽青瓜即时变得狂野咗。又重回下雨天，潮湿天气个人都易攰D，饮番杯热柠蜜薏米水 ($20)去吓湿好过饮汽水
店内装修大同少异，被呢幅颜色鲜艳嘅饺子画吸引住
枱上有呈自家腌制嘅酸甜萝卜粒任食，味道甜中带酸，萝卜粒爽脆，未开餐先开胃........
首先出场系至尊松茸饺 ($80/8只)，只只饺都几饱满，汤同饺系分上
阿姐比埋碟至尊酱点饺食，味道微辣少咸; 咬开就食到原只松茸，松茸味相当出，猪肉馅料相当札实，欢喜松茸嘅，呢客饺无令人失望。
跟饺有埋碗状元九鼎汤，以蛇果，生鱼，淮山，无花果及猪尾骨煲，绝无味精，鱼嘅鲜甜味道几出，功效补气健脾，饮落舒服。
有D饺子系要煎先岩数，就例如芫茜饺 ($65/10只)，煎得外皮香脆但又唔会油令令
趁热食，一咬先食到脆口外皮，之后就到芫茜香，点埋醋汁食就仲正斗。
热饺配四川凉面 ($30)，大量花生碎洒系面条上，加点绿色如青瓜丝及葱粒，附上麻酱。
可选择辣度，当然试小辣先。将惹味辣汁与面条捞均，面条够爽口，酱汁辣中带少少酸味，加埋麻酱多一份芝麻香味，就咁单食都好味。
加咗客回味手拍青瓜 ($25)作为小食，少少麻辣味几惹味，清爽青瓜即时变得狂野咗。
又重回下雨天，潮湿天气个人都易攰D，饮番杯热柠蜜薏米水 ($20)去吓湿好过饮汽水。加咗蜜糖味道偏甜，少少柠檬味，暖暖地岩饮啦。
饺子从来都系我嘅Comfort Food，系谂唔到食咩嘅时候，佢总会比到我味觉嘅安慰。
张贴
