燕雲莊 (已結業)

七一都要返工OT，出去食个lunch抖下气，想食茶记又无开门，行行下见到燕云庄，又好㖞，搬左舖都未食过。午市套餐三十八蚊，有汤，有豆浆，都几抵食㖞。先送上豆浆，只有冻的，颇有豆香但略甜。要左一个紫菜汤，一个酸辣汤，酸辣汤坚辣，食左几粉辣椒核。两个汤都足料，几好饮。肉燥牛肉饭牛肉嫩滑，肉燥肥瘦比例适中，味唔错，捞饭一流。咖哩朱扒饭朱扒有点鞋口，咖喱汁亦太稀，唔难食但一般。镇江骨有返啲上海野特色，味道ok但汁太浓，好黏口。要收加一的。