影片
更多
2021-04-03
849 浏览
放工同同事食晚饭，佢之前食过餐厅嘅早市点心，评价唔错，相信晚饭小菜亦唔会令人失望。小菜选择超丰富，基本上谂到嘅小菜都可以喺menu到揾得到，价钱亦好合理。韭菜鸭血系朋友指定要叫，我都好耐冇食鸭血，当然奉陪，一送上嚟已经知道冇叫错，香气四溢。鸭血口感嫩滑，而且非常入味，秘制酱汁加入大量蒜茸，香得嚟带有微微嘅辣，零舍滋味。冰镇咕噜肉系招牌菜之一，见唔少人推介，当然要试下。咕噜肉份量唔少，色彩缤纷，天气开始转热，见到呢味𩠌实在令人胃口大开。用冰镇住咕噜肉绝对唔系噱头咁简单，即叫即炸即炒嘅咕噜肉，冰镇后令外皮更加香脆，咬落去内里依然热辣辣，对比强烈，更加滋味！飞天通菜用煲上，上枱时依然唧唧声，够哂镬气，而且份量好大，惹味得嚟唔会太咸，绝对系白饭杀手！食完饭意犹未尽，见点心包价钱亦唔贵，一试无妨。黑金流沙包卖相精致，咬开松软嘅包皮，入面嘅奶皇馅流心效果明显，带有淡淡嘅咸蛋香，而且唔会太甜，非常推荐。芋蓉包亦唔输蚀，造型可爱，流心效果虽然冇流沙包咁出众，但胜在芋香醉人，甜度同样适中，钟意芋头嘅朋友绝对不容错过。餐厅嘅食物选择多，价钱合理，食物质素亦唔错，系食小炒嘅好选择，令人对早午市嘅点心更加期待
小菜选择超丰富，基本上谂到嘅小菜都可以喺menu到揾得到，价钱亦好合理。
韭菜鸭血
$68
10 浏览
0 赞好
0 留言
韭菜鸭血系朋友指定要叫，我都好耐冇食鸭血，当然奉陪，一送上嚟已经知道冇叫错，香气四溢。
韭菜鸭血
$68
18 浏览
0 赞好
0 留言
鸭血口感嫩滑，而且非常入味，秘制酱汁加入大量蒜茸，香得嚟带有微微嘅辣，零舍滋味。
冰镇咕噜肉
$82
24 浏览
0 赞好
0 留言
冰镇咕噜肉系招牌菜之一，见唔少人推介，当然要试下。咕噜肉份量唔少，色彩缤纷，天气开始转热，见到呢味𩠌实在令人胃口大开。
冰镇咕噜肉
$82
11 浏览
0 赞好
0 留言
用冰镇住咕噜肉绝对唔系噱头咁简单，即叫即炸即炒嘅咕噜肉，冰镇后令外皮更加香脆，咬落去内里依然热辣辣，对比强烈，更加滋味！
飞天通菜煲
$68
6 浏览
0 赞好
0 留言
飞天通菜用煲上，上枱时依然唧唧声，够哂镬气，而且份量好大，惹味得嚟唔会太咸，绝对系白饭杀手！
食完饭意犹未尽，见点心包价钱亦唔贵，一试无妨。
黑金流沙包
$10
15 浏览
0 赞好
0 留言
黑金流沙包卖相精致，咬开松软嘅包皮，入面嘅奶皇馅流心效果明显，带有淡淡嘅咸蛋香，而且唔会太甜，非常推荐。
卡通芋蓉包
$10
8 浏览
0 赞好
0 留言
餐厅嘅食物选择多，价钱合理，食物质素亦唔错，系食小炒嘅好选择，令人对早午市嘅点心更加期待！
张贴
