洋一居食屋 (已結業)

昨日同老公女女到九龙城闲逛，到七点钟就肚仔饿，在南角道见小曼谷大排长龙，另一间有人等位就系洋一，见佢几得意就系佢门口等左一阵，都好快有位。入到去人多就好似嘈左少少，无所谓ｌａ，热闹麻；叫左两款熟既银雪鱼寿司同炸蚝寿司，前者肉质几滑，暖暖地有ｄ姜葱放面几好食；个炸蚝寿司将只蚝好似顶帽咁放响寿司上面，有ｄ怪但蚝有肉汁都ｏｋ。老公系食肉兽，所以叫左个乜野牛柳炭火烧，牛肉一口一块上面有ｄ酸酸地既唔知系乜，整得几ｊｕｉｃｙ；有个炸鱿鱼圈ｄ鱿鱼唔干又有鲜味，应该系自家制；有个咖哩捞面都几特别，上面有ｄ味道好似东坡肉既肉碎，配咖哩都几对味。阿姐介绍左个味噌煮青花鱼配白饭，佢话唔腥细路女都啱食，阿妹平时唔系好食鱼都肯食，我都觉得个煮汁甜甜地面豉味，要黎𩠌饭几好。另外加多个日式杂菜锅，纯粹想食ｄ菜啫。呢度ｄ阿姐做野好急下，唔系果种入门口讲哂日文欢迎果ｄ，不过毎次上菜都会提我小朋友小心ｄ，大家都系妈妈，世上只有妈妈好呢！ｈｅ！ｈｅ！地方就系逼ｄ，嘈ｄ，不过消费二百几蚊ｏｋ㖞，开心又一餐，唔开心又一餐；我梗系比个开心佢ｌａ。