桃子Cafe (已結業)

有日同朋友经过女人街 而家好多排档都无开 所以可以好容易咁见到旁边嘅食肆 当时见到momo cafe 就同朋友讲呢间野个招牌咁得意嘅😆好奇之下就上网check下 比我揾到一篇关于老板嘅访问 最吸引我嘅内容系老板之前喺洲际任职 擅长多国菜🧐令我忍唔住去试下佢咩料Momo cafe主打系日式蛋包饭 如果有下厨经验嘅各位 应该都知道蛋包饭唔系容易整得好 卖相要靓而且蛋一定要够嫩 唔可以overcook 而呢度嘅蛋就完全ok 直头滑蛋咁嫩🥚咖哩就系日式偏甜不偏辣𠮶种 而配菜仲有薯仔/红萝卜/翠玉瓜 都十分新鲜呢最后我想大赞嘅系佢嘅汉堡 order前佢地有介绍系用手打安格斯牛 所以我同朋友都order咗◽日式咖哩流心芝士汉堡蛋包饭◾日式咖哩粟米汉堡蛋包饭佢嘅汉堡真系好好味😍😍好浓郁嘅牛味