Cafe Addict (已結業)

难得早收工又唔想返屋企食饭，系公司附近流连，行下行下见到间cafe几舒服，被吸引咗入去。返咗成日工其实都想静静哋坐下，清空下日间工作嘅烦闷，享受下一个人嘅时间。呢间cafe旺中带静，完全满足到独独的我☺️ 。望咗两嘢个餐牌见到南瓜啤酒就即刻决定要饮，因为想食猪肉肠配啤酒所以拣咗all day breakfast🤪未开饮先兴奋，过咗万圣节都冇所谓啦😆本身以为啤酒系成罐咁上成罐咁饮会有啲麻甩，会破坏all day breakfast嘅港女格调，结果餐厅有提供高脚杯，成份事就靓晒，令到今餐个主角份外出众🤣 讲返味道先，饮落好重麦味，反而唔太饮出南瓜味，呢只啤酒好易入口，冇乜酒精味啱晒酒量浅嘅我。一平时好少all day breakfast会有玉子，加咗玉子成件事特别咗。玉子熟得啱啱好唔会好老，蛋味好重，系好食嘅， 南瓜饼好脆，我放到冻咗食落都仲好脆，中间见到南瓜粒粒，够真材实料。沙律菜新鲜，虽然杂菇同猪肉肠系预期嘅味道，𩠌啤酒坚开心😆每次饮完酒都会想食甜嘢，最后都系心动不如行动点咗个tiramisu， 外表睇落就唔特别嘅，可能加咗脆脆食落好有层次，有浓浓咖啡味，用呢个甜品作结好满足😊P.S.见