甘棠燒鵝

营业中

休息中

趁住去大球场睇波，特登帮衬呢间出名烧鹅专门店试吓点好味，打开餐牌，发觉价钱天花板，一碟清炒时蔬都要$138碟，1/4只烧鹅下庒收220。于是2人不如叫2碟叉烧、烧鹅双拼饭试吓算数，见例汤$18 一碗，就问伙计今晚例汤是甚么，回覆是西洋菜煲牛秋鱼，于是叫了2碗，首先讲食物方面，烧鹅普通，四围都吃得到，不值咁贵，叉烧就不磡，又干又柴，好失败，碗例汤尚可，吃完，谂住只此一次，不会返头，于是出舖面埋单走人，心谂$220 可以，怎知要$386 ，细看张单，哗！乜每碗例汤收我$90嘅，2碗共$180 ，有冇咁乱嚟呀，细问之下，佢解释话晚市无例汤，但餐牌却有例汤$18碗，只有炖汤西洋菜牛秋鱼汤4-6 位，每盅$730 ，所以就屈我每碗收$90 ，真系乱咁嚟，成个饮食业比呢啲害群之马搞弯晒，我拒绝支付，我话我清楚同侍应讲是$18 的例汤，不是你所指的无标价的例汤，所以我只付例汤$18 一碗算数，唔收就报警解决，诚哥有云，君子爱财，取之有道，希望饮食业同侪要有诚意去做生意，饮食业才不会走下坡。