和花亭壽司 (已結業)

从朋友处得知和花亭的二人套餐有6折优惠，只要$268就可以食到咁多款日本料理，而且朋友之前试过质素唔差，所以知我钟意食日本嘢就想带我去试。今次加上另外两位朋友同行，一行四人，所以除左叫咗个「极上御膳2人套餐」，都另外散叫咗啲小食同寿司，不过相片数量有限，今次就只集中讲𠮶2人套餐。极上御膳2人套餐 $268香芒蟹籽沙律 ，其实就系蟹籽沙律上面铺上芒果，意外地芒果超甜，唔似其他铺头会用未熟嘅酸芒果，值得一赞。刺身四点 ，有三文鱼、吞拿鱼、甜虾同帆立贝，虽然数量唔系多，不过以2人餐嚟讲就刚刚好，少吃多滋味。整体好新鲜，特别系甜虾同帆立贝！特上寿司什锦 ，都系啲非寻常嘅款式，不过就比较失色，味道唔错但无惊喜。软壳蟹天妇罗 ，每旧都好大件，而且食落松脆，唔会有「粉」嘅感觉，不过真系要趁热食先好味。盐烧鲭鱼 ，另一道我几钟意嘅菜，烧得几靓，重点系唔似其他铺头咁会好腥，调味都好够，唔点嘢都好好味！豚肉猪骨汤乌东 ，用嘅系手打乌东，汤底唔会好味精，不过豚肉比较老，不过不失。芝士蛋糕 ，另一有惊喜嘅菜式，入口好浓香嘅芝士味，重点系香得嚟唔会觉得漏！正！不过食完无耐就装修改餐牌，唔知重开时有无惊喜呢？