放下素 (已結業)

通常放假都大鱼大肉，最近突然想清心寡欲肉食下素。于是就揾左呢间起登龙街既素食buffet, 原来10月9 就结业了，啱啱赶得切黎试下。✨热盘有十几款，仲d 前菜，汤，糖水。天妇罗有茄子，南瓜，秋葵，炸粉做得几松化。✨另外仲有炸物同沙律区✨萝白同支竹都炆得好入味，苦瓜蛋估唔到几嫩滑，加左d 菜莆～苦中带甜。椰菜花同手撕包菜清甜原汁原味，加上调味几好食。✨呢个素汉堡扒都几得意，入面系用鹰咀豆蓉，蔬菜，木耳等等mix 埋一齐， 味道新奇又有少少似汉堡扒既感觉。✨苏格兰蛋卖相几过瘾，外皮系紫薯蓉黎ge~ 沙律卷味道丰富，入面仲系wasabi 味沙律酱，呢个我几钟意。✨咖哩薯饼够惹味又唔会太辣，pizza 薄得黎好脆好香芝士味，加埋蕃茄酱简简单单已经好好味。✨最后食埋个糖水～感觉几清润，又有d 红枣香，仲有薏米，雪耳，蕃薯，真系几啱呢个天气。