影片
更多
2024-07-26
107 浏览
今日带住小朋友去开九龙城，晚餐揾食上网见到呢间都几多好评，同埋有个地方畀小朋友玩，所以就去试下。一嚟就去试佢嘅花胶鸡脚冬瓜汤底，花胶大概手指公咁大嘅size，都算有啲厚度，另外仲有啲红枣，鸡脚，同埋猪骨煲，未开始打边炉之前饮咗佢啖汤，几清甜，我个小朋友仲追住饮😂我哋叫咗一份贡丸、一份鲜虾饺。贡丸佢地来货几好，味道够，又实净。鲜虾饺外皮系类似鱼皮饺咁，细细只一啖，皮爽身，虾滑有虾味，呢个几唔错。重点当然系个海鲜盛合，有好多款唔同嘅海鲜，特别要赞下个蛏子同沙白无沙，够鲜味。大部分海鲜有2件都合理，但沙白蚬其实可以再大方少少😝得两粒唔太够喉🤣我觉得最值得赞赏嘅就系佢中间嘅位置嘅儿童游乐区，里面有大概10座厨房玩具，仲有好多唔同嘅配件，小朋友一入到去已经急不及待要除鞋冲入去玩，我都跟埋入去一齐玩，发现啲玩具都好干净，唔会话一浸味或者有好尘、头发之类。细问之下，职员话佢哋每日都会用漂水1：99清洁，所以放心比小朋友玩。而个游戏区喺正餐厅中间，父母一路食嘢可以望到自己小朋友，小朋友放电之余父母亦都可以安心咁食嘢，呢个系呢间舖头嘅一大亮点，我觉得亦都系老细好细心之处，佢应该都有小朋友哈哈😂，大家如果
一嚟就去试佢嘅花胶鸡脚冬瓜汤底，花胶大概手指公咁大嘅size，都算有啲厚度，另外仲有啲红枣，鸡脚，同埋猪骨煲，未开始打边炉之前饮咗佢啖汤，几清甜，我个小朋友仲追住饮😂
我哋叫咗一份贡丸、一份鲜虾饺。贡丸佢地来货几好，味道够，又实净。鲜虾饺外皮系类似鱼皮饺咁，细细只一啖，皮爽身，虾滑有虾味，呢个几唔错。
重点当然系个海鲜盛合，有好多款唔同嘅海鲜，特别要赞下个蛏子同沙白无沙，够鲜味。大部分海鲜有2件都合理，但沙白蚬其实可以再大方少少😝得两粒唔太够喉🤣
我觉得最值得赞赏嘅就系佢中间嘅位置嘅儿童游乐区，里面有大概10座厨房玩具，仲有好多唔同嘅配件，小朋友一入到去已经急不及待要除鞋冲入去玩，我都跟埋入去一齐玩，发现啲玩具都好干净，唔会话一浸味或者有好尘、头发之类。细问之下，职员话佢哋每日都会用漂水1：99清洁，所以放心比小朋友玩。而个游戏区喺正餐厅中间，父母一路食嘢可以望到自己小朋友，小朋友放电之余父母亦都可以安心咁食嘢，呢个系呢间舖头嘅一大亮点，我觉得亦都系老细好细心之处，佢应该都有小朋友哈哈😂，大家如果去开九龙城，又带住小朋友，推介大家试下。
张贴
