瀛豐放題料理專門店 (已搬遷) 新店位置

炖鸡汤好足料，相信应该炖咗一段时间，成个汤饮落去好清甜好舒服！之后食咗六只即叫即开生蚝，食落去味道好新鲜，亦食得出有新鲜海水味，配柠檬汁或者茄汁食都好配合。之后食咗一个带子配海胆，将带子鎅开一半，然后将少量海胆放喺中间罅隙，咁就可以同时食到带子加海胆嘅味道，先贴未加上海胆嘅少少咸味，感觉上都几配合。刺身拼盘嘅卖相都唔错，望落去各样嘢都有光泽，食落去都好新鲜。各种嘅火焰寿司都好好食，选择嘅种类都足够，最欣赏嘅系张芝士摆面烧得好好食，其他普通寿司品质都唔错。