阿水廚房 (已結業)

今日下午五点几经过阿水厨房，见到落左半闸，以为已经休息，原来唔系...食物主要系小食类，本来想买炸鸡比但已卖晒。结果我叫左杯救命茶（$18，细）及一口肉桂西多士（炼奶）（$18）何谓救命茶？原来系黑糖冬瓜茶，我叫左少冰，甜度都适中，而且饮到冬瓜蓉，够晒真材实料。至于一口西多士，$18一份感觉有啲贵。可以拣炼奶或者糖浆，我拣咗前者。西多士即叫即炸，可惜面包太淋了，外皮亦唔够脆，面头嘅玉桂粉味道好重，我唔太钟意玉桂味。阿水厨房，老板系前艺人，我估有一定嘅号召力。可惜食物定价甚高，而且水准一般。不过杯救命茶好有诚意，值得推介。