仙跡岩 (至秀商業大廈)

营业中

休息中

同朋友出街𠮶阵偶然路过，就入咗嚟试。点知所有方面都好差。首先上菜速度十分慢，叫完要等好耐， 可能因为厨房一次净系煮一道菜，所以一次净系上倒一道菜， 有朋友最耐要等45分钟先有得食。 其次伙记嘅服务态度差，仲要上错菜，叫嘢食𠮶阵问咗少少嘢就黑口黑面语气差， 但系自己上嘢饮𠮶阵又叫错嘢饮名。 然后仲要收错钱， 原本收钱已经觉得畀多咗， 但系伙记坚持畀少咗，又唔肯数多次，畀完之后行出去计返条数先发现畀多20蚊， 返去同佢讲又死口唔认话自己有数清楚。 最能接受系嘢饮入面有虫，仲要唔系乌蝇𠮶一只，而系类似毛虫嘅形状，有好多只脚嘅虫，见到都反胃。