火薈中日火鍋

营业中

休息中

夏天打边炉，系字面上系完全反智既想法。系香港系享受既食法。食客都希望个炉越滚越好，一个靓汤底，迅速将d料放入去，渌357秒，食出食物嘅鲜味。不过喺食物质素以外，一个不可或缺嘅先决条件，就系冷气要足，座位要舒服。黎度岩晒，仲要我叫一支啤酒都有冰桶，你话点样唔食得爽皮？ 🍖胡椒猪肚汤，猪肚够晒厚身，半只鸡上台，俾你自己放入汤底，超级足料，无得偷鸡。 🍖鹅肠，黑柏叶，响铃同手切本地牛，湁几下就食得，所以只需要新鲜，做咩都唔洗讲，当然佢靓靓摆盘系加分位。新鲜食材，快速渌完，加少少酱油，已经系极品。 🍖其余时间，只要慢慢毕起要煮比较耐既虾滑，莴苣，当然仲有猪肚同鸡，咁就有好多时间同朋友慢慢倾计谈心。 ✨️喺舒服嘅环境，同好朋友把酒谈欢，其实打边炉系一种非物质嘅文化。