Chatterbox Café (圍方)

营业中

休息中

今次讲讲新加坡文华东方酒店，第二间喺香港开嘅 Chatterbox Cafe. 主打海南鸡饭和喇沙。今次就试吓佢嘅海南鸡，睇吓有几出色。首先讲讲佢嘅摆盘， present得几靓几精致。海南鸡排得好靓。酱汁有三款：甜豉油、姜蓉、酸辣酱。饭系鸡油饭。汤系一啲椰菜汤，有1件豆腐喺里面。鸡海南鸡望落去好靓仔，色泽偏黄。咬落去口感偏林，冇乜嘢鸡味。但胜在刀法好好，每一件嘅鸡厚薄好均匀。鸡髀鸡胸大约各有五六件，份量适中。饭跟餐嘅系鸡油饭，好香香料味，唔太油，冇落黄姜粉，唔会好似某啲餐厅嘅海南鸡饭咁样黄禽禽。酱料甜豉油甜豉油喺三款酱油之中我最喜爱的。豉油本身好厚身，甜度适中，好挂身。姜蓉姜蓉来讲，比较失色。姜蓉切得好溶，浸喺油里面，但一啲姜味都冇。甜酸酱甜酸酱又唔甜，又唔酸，又唔辣，麻麻哋。