Ocio オシオ (已結業)

系荷里活广场行街，见到有间Cafe，白色底配木系装修，感觉简洁舒适，仲有只可爱熊仔。Cafe 主打系西餐同埋甜品，有Waffle，Pancake，样样都好吸引。我地点了2 个set dinner，跟住再食甜品。Set dinner 包咗 餐汤+主菜+饮品，餐汤系蘑菇汤，好香浓。- 芝士焗波士顿龙虾鲜拿破仑海鲜手工面有半只龙虾，新鲜弹牙，酱汁偏浓郁，又有鱿鱼圈、虾、蚬肉等等。手工面就软硬度适中，很有口感，又可以吸附酱汁。- 珍宝带子海鲜喇沙烩饭带子都几大只，烩饭就味道香浓，反而喇沙味道唔太多。我地加钱点咗杯紫薯奶昔，紫薯味好重，好好饮。- 奥斯蜜瓜雪山热香饼今日既主角出场，外形满分，似足雪山，伴碟都好靓，打卡首选。蜜瓜够甜，好好食，不过要自己切，有啲唔方便。上面既热香饼松软，配雪糕同埋糖浆，味道ok。整体而言，食物有水准，环境舒适，适合朋友相聚。甜品同埋饮品好好食，一定要再试埋其他甜品。