Lex Coffee (已結業)

今日去左坚尼地城呢间餐厅打卡，呢度楼底够哂高，装修又靓，打卡好地方之余，食物质素仲有番咁上下❣️龙虾意大利饭黎到就闻到好香啦，开边龙虾一D 都唔hea，肉质弹牙仲有唔少膏😍，意大利饭吸哂D龙虾汁，又香又creamy，而意大利饭软硬适中，如果厨师功力唔够随时煮到D 饭粒粒硬的的，呢到就无呢个问题❣️虎虾意粉大大只虎虾，肉质弹牙，酱汁开胃，味道都唔会太抢，而且均匀挂面。面条唔会过淋，软硬适中，份量都唔少❣️混合莓果榛子酱华夫松饼配香蕉与雪糕窝夫配雪糕就食得多，原来加埋榛子酱会令层次更加丰富，亦无想像中咁甜腻。Menu 好细心，有半份或全份拣，细食既朋友不妨点半份试下，都几饱肚❣️意式提拉米苏外型非常吸晴，系店内非常受欢迎，味道亦不负众望，入口即溶，又顺滑，而且咖啡味刚刚好，都唔会令饼底过份湿润，好自然会一啖又一啖咁食唔停口。加埋面头有块橙干片用黎打卡更加抢眼