A.T.A.S

营业中

休息中

今日约咗老公食lunch，去咗铜锣湾呢间食星加坡菜嘅餐厅，有lunch set。我哋各人嗌咗一个set，再追加两款小食share。喇沙呢度嘅喇沙好正宗，花生香味浓厚，少少沙嗲嘅感觉，加上椰汁同埋够辣，新加坡嘅味道出晒嚟。我哋拣咗米粉，口感好好，好挂汤。配料好丰富有白鱼蛋，炸鱼片，几只弹牙虾仁，同埋劲吸汤嘅豆腐卜，仲有半只蛋超丰富。海南鸡饭呢度嘅海南鸡饭系有骨嘅，鸡皮爽滑，鸡肉有鸡味，而且唔嚡，底下还放有青瓜片吸汁，好入味。饮海南鸡嘅酱料有齐三款，我自己就最钟意就系黑酱油加姜蓉。个饭唔会好油，充满椰汁嘅香气，食落清爽又好味，斋食个饭唔驶𩠌都食得津津有味。姜黄炸鸡翼我哋套餐加配嘅小食，炸得非常香脆，鸡皮下已经没有多余嘅脂肪，皮脆肉嫩。咖椰多士另外我哋仲加配咗呢个多士，非常非常邪恶，每件脆脆多士入面都夹住劲大劲厚嘅牛油加上惹味嘅kaya, 想唔好食都难。美禄爆炸饮品方面老公叫咗普通嘅美禄，而我就叫咗呢个升级版嘅美禄爆炸，好大好靓一杯。美禄上边铺满左美禄谷物脆脆，再洒上美禄粉，再有块夹心饼，超邪恶好味。食完呢个满足嘅lunch，补充能量，我哋又各自去继续返工。