馬六

营业中

休息中

最近炮台山开咗一间新嘅新加坡店，所以趁假日过黎试下。晏昼时段嚟到呢度都要等一阵间位。铺头嘅环境都唔算太差，不过就迫左少少。专诚黎食新加坡菜，当然要点海南鸡饭，肉骨茶同埋喇沙。新加坡喇沙掺掺 $68喇沙汤底味道唔算太浓，冇乜辣味，少左d喇沙应有嘅惹味。配菜都算多。马六无骨海南鸡饭拼白胡椒肉骨茶 $88好大份嘅set lunch，价钱亦都反映左。你到新加坡餐厅，最期待嘅就系海南鸡饭，好可惜呢个海南鸡饭同埋肉骨茶都令人十分失望。首先海南鸡饭嘅海南鸡无鸡味，一咬落去就知道系雪左好耐嘅鸡，油饭味道都唔够味。个白胡椒肉骨茶更不济，只系得胡椒味，完全无新加坡肉骨茶嘅味道。黎到嘅时候仲要打泻咗啲搞到成个盘都系汤，感觉有啲求其。马拉盏通菜 $26一啲马拉盏味都无，其实都唔只无马拉盏味，系其他味都冇。虽然系好大碟价钱都几抵，但味道真系争d。热红枣枸杞桂圆茶 (跟餐)又系无乜味热马来手工奶茶 (跟餐)咁多样嘢食，唯独系个奶茶叫做入得下口整体而言，所有野食味道偏淡，价钱中等。