影片
更多
2014-07-19
2160 浏览
日前男友o既男友人IN因呢晚会被佢老婆同囡囡飞,所以突然约我o地同另一男友人NT (我唔介意呢个原因,反正佢有好o野介绍俾我o地 )o黎佢已食过两次o既呢间(佢一次系免费试食,一次系自己再o黎食)食晚饭,其实之前佢都send过啲相俾我o地睇,我睇完后,开头以为系日本菜,睇吓睇吓又变o左中菜,又睇埋甜品,又似西餐,即系咩?上o黎睇,原来系男友家乡福建菜.原本系大男孩o既晚饭,无啦啦拉埋我,都o岩o既,我呢个男人婆……好,讲返食,我o地四人各自唔同时间到达,最远o既我竟然第一个到,由于book o左位,而NT一时又话佢太太o黎,然后又话唔o黎,搅到IN加多一个位然后又冇减返,所以侍应留o左张圆枱俾我o地而唔系四人枱或卡位.一坐低,侍应即问我要唔要茶?我点头示意要,佢就斟俾我,话系菊花茶,好饮的.啊.然后另一位侍应问我,餐前水果*要唔要先上我一份?我答好吖.忙完一轮,我o既餐前水果到o黎.有四款生果:火龙果,西瓜,红提子同蜜瓜各两件,呢几样生果中,最差o既系蜜瓜,因为佢未够熟而唔够腍同甜.食完,饮啖菊花茶,完全冇落糖,啖啖甘香又解渴.仍然等佢o地o既时候,就食啲餐前小食先,有蚕豆,花生同唔
原本系大男孩o既晚饭,无啦啦拉埋我,都o岩o既,我呢个男人婆……
好,讲返食,我o地四人各自唔同时间到达,最远o既我竟然第一个到,由于book o左位,而NT一时又话佢太太o黎,然后又话唔o黎,搅到IN加多一个位然后又冇减返,所以侍应留o左张圆枱俾我o地而唔系四人枱或卡位.
一坐低,侍应即问我要唔要茶?我点头示意要,佢就斟俾我,话系菊花茶,好饮的.啊.然后另一位侍应问我,餐前水果*要唔要先上我一份?我答好吖.
忙完一轮,我o既餐前水果到o黎.
有四款生果:火龙果,西瓜,红提子同蜜瓜各两件,呢几样生果中,最差o既系蜜瓜,因为佢未够熟而唔够腍同甜.食完,饮啖菊花茶,完全冇落糖,啖啖甘香又解渴.仍然等佢o地o既时候,就食啲餐前小食先,
有蚕豆,花生同唔知咩o野.先食蚕豆, 蚕豆软腍腍,有股被烟熏过o既浓郁味道;而花生就截然不同,脆卜卜但冇味,系冇加盐;再食埋唔知咩o既o野,原来系炸紫菜,呢个出奇地好食,脆就不在话吓,但唔似食咩四洲紫菜咁咁寡.等呀等, 等呀等;忍呀忍(唔好食晒,要留返俾佢o地),终于都一个跟一个到齐,佢o地食过餐前水果后,我o地就点菜,我o地有个共识,就系试多种类o既好过食同一样份量多o既o野,亦唔想食食神IN都煮到o既普通o野,同唔想眼阔肚窄冇衣食,又摆满枱,于是先叫几样:
1. $58.00一只o既冰镇南日鲍鱼要两只
其实一只唔大只,我同男友share一只,我唔蘸辣酱食,一食,食到鲍鱼o既鲜味,口感够爽,肉亦都够厚,唔错.男友食o左一啖都话唔使蘸辣酱食. 味道: 5分
2. $52.00o既酥炸蛏干
福建特产?点解男友o既家人由乡下返o黎都唔见有o既?所以我o地要试一试.呢个都几襟’o赵’,咸咸地,送酒一流.下面垫底o既炸米粉幼到有啲似鱼丝,又唔油’益’,唔错. 味道: 4.8分
3. $65.00o既一品醉蚶
落单时,侍应话唔知够唔够一碟,要睇睇,最后好彩有.
而多年前同爸爸,男友跟爸爸o既表侄女ZSY o系深圳食过生o既狮蚶,今次都试吓.
一食落去,虽然见佢有好多蒜蓉,但仍食到佢o既鲜甜,完全冇盖过,超好食,好食过o系大陆食. 味道: 5 分
4. $48.00o既原味焖黄瓜鱼
IN话唔大条,开头谂住叫两条,但基于上述原因,我o地只叫一条 .呢个男友先食,佢一食就大赞鲜甜,呢,我o地都觉得系,鱼肉又滑亦唔鯹,唔错. 味道: 4.8分
5. $38.00o既椒盐猪手,要四只
猪手唔大件,男友又率先试食,佢一咬落去,个个都已经知道皮脆,到我o地食喇,个皮真系好脆,内里只剩骨胶原,
一啲都唔肥腻,味道系惹味,但略为淡o左啲,因为叫得上椒盐就应该有返咁上下咸香. 味道: 4.7分
6. $48.00o既药膳竹筒虾两个
一个竹筒内有两只虾,虾肉仍爽,汤o既味道就甘甘地,而因为用竹筒装住,饮到比较清o既效果. 味道: 5分
7. $48.00o既冰浸苦瓜
翠绿o既苦瓜刨到变半透明o既薄片,蘸奉上o既蜜糖同食,冰凉o既甘同甜味相间,有点玩味,但其实呢个唔使咩厨艺,所以味道分唔计呢个.食完头轮再叫:
8. $78.00o既胡瓜烙
大大片,但都知系薄片,我o地食唔出咩胡瓜系咩o野?唔通系胡芦瓜?只食到呢个系蔬菜纤维极高o既中式pizza,要赞o既系仍o地蛋酱唔太多,o岩o岩好粘到蔬菜丝成饼,味道亦清新.味道: 4.5分
9. $18.00一件o既黄金荷叶包,要四个
IN极力推介之一,呢个黄金荷叶包要自己用刀界开后,将肉丝夹入去食,两样o野都热腾腾,夹好后食.
个包外脆内软,肉丝o既酱汁味道又浓,好好食,比上海菜o既叉子重好食. 味道: 5分
10. $68.00细o既莆田扁肉汤(加醋)
扁肉做到一粒粒o既饺子咁,食落,内里全部都系瘦肉,饺子皮似系鱼皮,虽然系好普通o既o野,但我食到瘦肉o既鲜,平凡中显得不平凡,至于个汤,由于已经加o左醋,所以已经酸酸地,我觉得OK o既.味道: 4分
11. $68.00细o既金汤苋菜
上枱后,我嗅到好香,但我o地个感觉就系,金银蛋苋菜o既变奏版.佢o地将咸蛋黄加入汤o度淆制,令个汤杰身o左同有有蛋黄浓香,而苋菜就拣圆叶苋菜苗,唔怪得冇紫色.食落,苋菜当然嫩口冇渣,成个菜o既咸淡亦适中.男友同IN话蒜头都几好食.
味道: 5分
食完后到甜品时间,我o地又研一研究,见到两个福建特色品分别为两个同四个上,我o地又可以share食,于是一定要叫,然后各自再叫.
12. 好似$19.00一个o既绿豆红团,两个起
外貌红当当,好有节日喜庆气氛,我o地要求侍应帮我o地切开,每人食半件,
切开o左睇,内里o既绿豆蓉颜色天然,
食吓先.唔甜,系一啲都唔甜,绿豆蓉质地粗糙,冇乜味o既红色皮开始有啲硬,呢个麻麻.或者,呢个本身系福建o既原味吧.味道: 1分
13-14. 好似$36.00o既黄金紫薯泥同南瓜露
呢两个系IN同NT食,我o地冇试到,但NT话原来紫薯泥唔止系中间o个撮,黄金液体甜品下都有.而我冇问佢o地觉得好唔好食.
15. 好似又系$36.00o既白果芋泥
呢个IN提我话系热o既,不过我照要啦.芋泥质地幼滑,但味道一般,连同白果糖水都系,失望.味道: 1分
**食完后,男友问点解佢o既薄荷枇杷冻重未到? 原来我 叫o既时候唔记叫呢个.
16. 又好似系$36.00o既黄金京粿4件
开头我以为系炸,但原来唔系,系淋o左唔知咩o野o系上面.食落,系好有米味,烟烟韧韧o既糕点,但外面系煎香o左,同埋o个啲原来系焦糖,增加甜味.呢个算系似样啲o既甜品,亦因为佢至令我满足.味道: 4.5分
o系第一转菜时,我o地研究同试吓枱上o既辣妈辣酱,
我觉得几辣,不过佢唔系死辣,带好少好少o既甜,见佢有唔同颜色o既材料就知唔简单,男友就话似泰式辣酱.IN就话蘸生虾,正.不过,佢o地都食得辣o既人,只有男友顶得住呢个酱.*餐前水果系新开张一个月内免费送俾客人,一人一份
服务:
上冰镇南日鲍鱼后,我同男友share 食绝冇难度,但IN同NT share一只就难啲,于是叫侍应俾把刀佢o地,但叫完只应一应,要再叫另一个至俾到.
食完第一转热身菜,讲国语o既应该系女经理好似想催我o地走咁问啲o野食o黎齐晒?我o地答系.不过转头都叫人攞menu睇.
当大家以为食完第二转,侍应就收我o地o既餐具,但收o左三份后, 金汤苋菜到o黎,又麻烦佢o地俾多次餐具.
其实啲细o既都好有礼貌同有笑容,就连我去完洗手间返o黎,人来人往,佢o地见阻一阻到客人,都讲句唔好意思,其实呢样我觉得唔使,因为客人唔系大晒.但反而senior就一般般.
其他:
IN其实想食土笋冻,但是日卖晒,而茶呢?NT问有冇大红袍?侍应答呢晚只有水同菊花茶,我觉得咁样唔系太好.
价钱: 影张佢o地o既食物相,文上仍o地o既facebook分享,就可以平$50.00,我o地梗系有做,埋单价钱系$1,109.00,比我原本预计每人大约$500.00平.
味道系4.18分
张贴
