CIAK - All Day Italian (太古城中心) (已結業)

細細個個時差唔多每隔一個星期就會同媽咪黎太古城中心行街，呢到既變化都有好大分別。以前同媽媽黎太古城中心既時候d店舖都換哂新既鋪，今日難得同媽咪重遊於是就係呢到搵左間意大利餐廳等兩母女撐下枱腳啦！一入到餐廳已經覺得環境好不錯，感覺上呢到可以讓人放鬆一下心情，牆上會播出黑白片好有懷舊風味。黎到意大利餐廳當然首先要選既係意大利粉同Pizza，這兩種食物就好似代表左意大利哈哈先講一下蛋黃醬蘑菇意粉，意粉質感好爽口，每條都好有咬口又唔會太膩，因為配上蛋黃醬如果處理得唔好就好容易會有油膩嘅感覺，不得不贊一下呢間既蛋黃醬調味得好又有好香嘅蛋黃味，入口非常滑配上新鮮的磨茹非常好吃，另外點左蜆肉意粉有滿滿既香草加上肥美新鮮既蜆好有滿足感！最後不得不提既主角pizza 出場了，餅底好香好脆有好多好食既芝士加辣肉腸加埋番茄醬令整個薄餅得以平衡了。有美食又點少得飲品，今次點左檸檬茶及蘋果汁，這兩種飲料都可以解油，簡直天衣無縫，好有滿足感。睇黎今日既選擇非常好，帶來不一樣的新嘗試。