彩興來來火鍋 (已結業)

今日朋友新居入伙，搬咗去将军澳帝景湾度住，佢话好在有屋企人帮手，啲首期先搅得掂，装修又使咗一大旧钱，真系又排供，好在两公婆都有份高收入嘅工作，每个月都会有钱储起， 上咗佢新屋度参观真系装修得好靓，佢话一场嚟到，不如食埋饭先走啦，系佢屋企楼下有间彩兴来来火锅店，就落去睇吓有冇位，人都好多，但好在我地4个人，位都易揾啲，入去座底，伙记就话可以系点餐纸上选择汤底及配料，我话冻冻地不如要个胡椒猪肚汤做火锅汤底啦，配料朋友拣咗手切本地雪花肥牛，蔬菜拼盘，蟹籽墨鱼滑，日本黑豚五花腩，鲜鸡件，饮品要咗日本啤酒Asahi，汤底先到，系先把胡椒猪肚爆香，再加汤煮滚约十分钟，饮完汤再渌嘢食，汤嘅味道辣辣地，几好味，跟住先放蔬菜拼盘嘅、番茄同埋粟米落去先，等旧粟米煮耐啲先入味，咁就最好食，日本黑豚五花腩，肥瘦适中，沾少少自己配嘅酱油，味道一流，鲜鸡件就算渌耐咗啲都好滑，重有𠮶墨鱼滑都好好食，最后一提系手切肥牛，真系冇得顶，牛味浓郁，好快一碟肥牛就俾我地食晒。