茶木‧台式休閒餐廳 (創紀之城五期(apm))

营业中

休息中

年初三中午到观塘茶木食lunch，睇餐牌见到张甜酸肉嘅相上面有又大又多嘅士多啤梨，落order嘅时候就口快快讲咗士多啤梨甜酸肉，点知某女职员，态度十分之差，其实喺order甜酸肉前我已经order咗两个𩠌，但佢已经系板起块脸冇回应，当我order甜酸肉之后，佢就用一个好不屑嘅态度答"我哋冇士多啤梨甜酸肉"，我回答"我喺餐牌见到个甜酸肉㖞"，点知佢冇反应不特止仲用一个不屑嘅眼神望住我，咁我咪唯有续页揭个餐牌揾返个𩠌出嚟，当揾到之后我就指比佢睇，点知佢好不屑好串咁讲咗一句"呢个系菠萝"，即时火都嚟，点呀！讲错几个字啫，我都已经讲出系甜酸肉啦，你成个餐牌得一款甜酸肉，你唔即时提点我要我自己续页揾返个𩠌出嚟都算，仲要用啲咁不屑嘅态度回应，之后我再order果汁，佢仍然都系用𠮶个好不屑嘅语气答"今日冇果汁"，嬲到我真系想拍枱走!，当时店内人流唔多，但佢啲态度好似做到唔想做咁，我见其他职员嘅态度都唔系咁。以后都唔会再去呢度食饭!