泰海鮮 (已結業)

朋友住tuen mun, 新年流流山长水又远走去佢屋企打牌拜年。开4圈前紧系要去医下肚仔。佢介绍我地去食三圣海鲜！样样都好似好吸引，我地叫得太多野。油盐水煮蝴蝶蚌，简简单单油盐水煮, 食其鲜味, 仲食到少少海水味，好新鲜！蝴蝶蚌嫩得黎鲜甜,爽爽地咁。花甲冬阴公汤油个味道几岩我口味，成日好惊d冬阴公得辣唔酸，呢个岩岩好。d花甲又系好鬼甜，正。不过略为油左少少。小食芝心炸虾丸入面既虾肉系几弹牙，不过粉浆薄番少少就更好。呢个我最钟意，米粉底豉椒蛏子皇，起好晒肉唔系讲笑，加埋个脆卡卡既米粉底，够晒获气！最后仲叫左个避风塘炒肉蟹，如果唔食得辣既朋友要小心，都真系好辣下，但系好有风味既，食得好过隐，仲要啖啖肉！