樂天皇朝 (利舞臺廣場)

营业中

休息中

难得约大忙人朋友食饭，拣返个环境舒服嘅地方，可以慢慢食，倾吓偈。新店比旧店光鲜，服务态度依然好，出品亦保持到质素，满意的一餐。小食 $15 丶茶位 $12/位入座先奉上一壶普洱茶，用蜡烛暖住嘅，餐前小食系软绵栗子＆软糯花生芝麻酱油麦菜 $72油麦菜卷成卷状再加青瓜片，口感超爽脆，点埋芝麻酱更好味，一件接一件，好钟意呢个清新食法特色皇朝小笼包 $148皇牌八色小笼包，卖相可观外，每色代表不同嘅口味，一笼就满足哂，店方建议先食原味，再顺时针食至川味萝卜丝酥饼(3个) $52朋友至爱嘅萝卜丝酥饼，即点即制，热辣辣，酥脆香口，清甜萝卜丝，出面已经好少见，所以嚟亲必点香辣水煮鱼 $208以大红袍辣椒、花椒等炼制出独家辣油，让汤头香辣，椒麻味过瘾，本身食唔到太辣，我哋拣咗少辣，啱啱好嘅辣度。除咗鲜鱼片外，仲有索哂汤汁嘅薯粉、豆腐皮丶芽菜等，份量足。竹炭流沙包(3个) $48爆浆流沙包，食𠮶时真系要小心宫廷驴打滚 $50闻说呢款甜品系清朝太后喜爱嘅甜品之一，主要用糯米团丶红豆蓉丶黄豆粉制成，烟韧、软熟又香甜。