BBQ Chicken (已結業)

轻轻松松又到星期日，咁轻松就当然要去街食唔好辛苦自己！阿宝话早排经过新都城有间韩国餐厅新开好想去食，我一讲出去食，佢就话要去个间食，顺吓佢意就go go go一去到爆多人，都等左好一阵先有位，聪明既我就拎左飞后去行左一阵先返餐厅门口等，咁就唔会觉等得咁耐几经等待终于坐低~先黎就叫左个酱牛面豉汤，个汤入面坚有牛，味道都好清唔会得个死咸味，亦唔会有好多油，OK呀~一场来到就梗要食炸鸡，这里的炸鸡有好多种口味，拣左一大轮后就拣左甜酸炸鸡，鸡件炸得香脆，肉质松嫩，酱汁亦酸酸甜甜，开胃得很，愈食愈美味另外亦order左焗海鲜炒饭，个焗碟系心型几特别，都几多，有大虾、鱿鱼、青口、蕃茄仔、西兰花等，当然仲有好多芝士，酱汁足够，味道香浓，又够晒热，呢个配搭好食可能系新开关系，人系比较多，食物种类及口味选择都好多，店内更不停播放韩国流行音乐，气氛十足