影片
更多
2022-09-17
21 浏览
近期同朋友去左呢间新既omakase店试试 店舖好隐世 门口系纯啡色木门 如果唔系睇到佢地既招牌都揾唔到🙈里面都好幽暗 有包房 大厅座位只有十个左右 师傅都有3个 几健谈🤣店员成日都会主动加水、换碟等 整体感觉几良好✨有两款omakase set <花>、<见> 我地今次食左平啲价位个款 都有20多种食物架🤣一坐低 店员放低小食鳕鱼干🐟脆卜卜 香口惹味！🔸前菜四款🔸师傅话要顺时针食鬼爪螺鲜甜湿润 好小见到🤣 唔使点任何汁都可以食！目干鱼无骨之余脆卜卜 鲜味十足蒜菜海胆酸酸地好开胃 啫喱滑溜爽口 配搭埋海胆嘅鲜甜🙌🏻黑门贝有咬口食落烟韧 味道比较浓郁 小小黏口🔸刺身六款🔸由淡味到浓味食 摆盘好有心思😍4 太刀鱼个人最爱🙌🏻 加左胡椒柚子 而且烟熏过 味道浓郁 齿颊留香1 真鲷卷住拖罗蓉及金飞鱼籽 较黏口 鲜甜清新 味道好丰富 飞鱼子好脆口 增加口感！3 金目鲷外皮烧左 焦香味十足 加埋梅酱酸酸地 开胃新鲜！2 帆立贝面层布满生海胆粉 炒香放上去 味道鲜甜厚身 帆立贝饱满 好满足！🔸一品料理、烧物🔸 跟次序由淡味到浓味食3鲭鱼🐟:个人最爱😍 蛋白打到变泡 师
近期同朋友去左呢间新既omakase店试试 店舖好隐世 门口系纯啡色木门 如果唔系睇到佢地既招牌都揾唔到🙈里面都好幽暗 有包房 大厅座位只有十个左右 师傅都有3个 几健谈🤣店员成日都会主动加水、换碟等 整体感觉几良好✨
有两款omakase set <花>、<见> 我地今次食左平啲价位个款 都有20多种食物架🤣一坐低 店员放低小食鳕鱼干🐟脆卜卜 香口惹味！
🔸前菜四款🔸师傅话要顺时针食
鬼爪螺
鲜甜湿润 好小见到🤣 唔使点任何汁都可以食！
目干鱼
无骨之余脆卜卜 鲜味十足
蒜菜海胆
酸酸地好开胃 啫喱滑溜爽口 配搭埋海胆嘅鲜甜🙌🏻
黑门贝
有咬口食落烟韧 味道比较浓郁 小小黏口
🔸刺身六款🔸由淡味到浓味食 摆盘好有心思😍
4 太刀鱼
个人最爱🙌🏻 加左胡椒柚子 而且烟熏过 味道浓郁 齿颊留香
1 真鲷
卷住拖罗蓉及金飞鱼籽 较黏口 鲜甜清新 味道好丰富 飞鱼子好脆口 增加口感！
3 金目鲷
外皮烧左 焦香味十足 加埋梅酱酸酸地 开胃新鲜！
2 帆立贝
面层布满生海胆粉 炒香放上去 味道鲜甜厚身 帆立贝饱满 好满足！
🔸一品料理、烧物🔸 跟次序由淡味到浓味食
3鲭鱼🐟:
个人最爱😍 蛋白打到变泡 师傅话咁会令到鱼身滑啲 油分好足 入口即溶 口感一流！
1角螺 粒贝
用左岩盐调味食落爽口 配埋紫苏花叶 味道较淡
2牡丹虾
虾膏甘香 较黏口 鲜甜无比
4松叶蟹冻🦀
里面加左珍珠蒟蒻 烟韧透明 再加埋马粪海胆既鲜甜满满既蟹肉 食完会好满足
5𩽾𩾌鱼肝米通
好新奇特别 加左三文鱼籽、鱼子酱、金箔 味郁浓郁 𩽾𩾌鱼干好甘香 鱼子爆汁 师傅话会较出面既烟薰更 健康！
6水果番茄🍅
加入淡雪盐 鲜甜开胃 味道清爽！
🔥烧帆立贝
紫菜香脆 烧到焦香厚身 好饱满 暖暖地几好食
🔥沙甸鱼肝鱼 中拖大拖罗
师傅话黄豆纸可以食🤣我未试过 沙甸鱼干可以吸走拖罗既鱼油 唔会好似紫菜咁易淋 油分好充足 半生熟 既口感 食落无根 鱼味浓郁！
🔥鹿儿岛m4和牛
肉味重 一咬落去油脂感满满 配埋蒜片一齐食好香口
🔸寿司六贯🔸
🍣北寄贝
食落爽身鲜甜 味道较淡
🍣鲽鱼 用上两个部位(腩位、肌肉位)
油分充足 肥美且饱满 加埋青葱 清新口感
🍣富山湾白虾
甘甜黏口 用左好多只小型白虾整出黎🤣🙌🏻
🍣鲣鱼酱油渍
淋身 鱼味浓郁
🍣吞拿鱼面𣍰肉
烧一烧有口感 加埋蛋黄醋 食落好重鱼味 油分重
🍣矶之雪 米浆加昆布 马粪海胆
昆布同紫菜一样脆 但系唔会咁易淋 鲜甜 入口即溶
🔸汤、甜品🔸
🥣大虾面豉汤
鲜甜浓郁 暖胃😍 虾肉爽口弹牙 大大只！
🍈静冈蜜瓜 豆蓉水信玄饼
蜜瓜冰凉清甜 水信玄饼有啫喱嘅口感 加埋豆蓉 好满足 为我完美既晚餐划上句号✨
张贴
