小魚兒 (寶漢大廈) (已結業)

公司附近新开酸菜鱼，见佢几特别成条大鱼上， 无花无假，碳火烤鱼系火锅形式，可以另加配菜。♡江团鱼鲜九叶花椒BB豆花$348另外有款酸菜鱼锅平$100， 但黎到无理由唔试烤鱼，烤鱼有4款，拣左江团鱼又滑又唔多骨刺。上碟劲大一条，2个人食超级饱， bb辣唔会好辣，汤底有芫茜、洋葱、青瓜、宽粉、豆腐， 𩠌饭一流。♡白饭 $15♡盐烧牛胸爽 $38除左烤鱼鸡煲，仲有好多串烧选择。牛胸爽抵食，有10块左右，烧到似鸡皮咁，口感唔错， 但记得趁热食。♡烧牛舌心串 $33好厚牛舌心，有几款味可以选择， 最后拣孜然。♡饮品放题$28饮品好多选择，第一次见「有得解」罐装饮料，仲有自家泡茶，金凤乌龙同桂花绿茶。桂花绿茶太香唔建议。仲有热维他奶同麦精。