Uncle Tetsu's Cheesecake (已結業)

嚟到铜锣湾啲内街，见到呢间卖芝士挞，应该新开冇耐，作为芝士控嘅我，点都要买只挞嚟试下，我见佢都好新鲜，有师傅喺度现场新鲜即制即卖，有芝士蛋糕同芝士挞，不过我一个人买个挞试吓就已经好足够，芝士蛋糕太大个，建议有4个人以上至好买嚟试。冇咩人排队，买野嘅位置唔阔落，反而佢拨咗9成位置用作厨房。观感都唔错，俾人觉得系干净企理的。买走即刻开嚟食，热辣辣的，外脆内软，软得嚟仲有啲流心，芝士味极浓，超正啊！不过食完一只，已经好漏，要返啲茶解吓油腻至得，哈哈。