鴨大哥 (太古坊)

营业中

休息中

今次去咗鲗鱼涌食片皮鸭，呢间餐厅之前系铜锣湾已经食过，见分店系鲗鱼涌新开试业有八折，咁抵紧系要约埋朋友一齐去食。北京烤鸭片皮鸭即叫即烤，上枱时已经香气朴鼻，鸭皮烤得好再酥脆，脂肪唔算多，鸭肉嫩滑，鸭味香浓，饼皮用炉蒸住，唔会咁易变冻。而配料方面有大葱、青瓜同三款酱料，酱料分别有自家制嘅鸭酱、日本柚子酱同红糖，可按自己口味配搭。云南黑士猪叉烧叉烧份量十足，肉质软腍，肥瘦适中，带玫瑰露香气，蜜汁味道略甜。荔枝山楂咕噜肉咕噜肉炸得外脆内软，特别用咗荔枝肉代替菠萝，味道清甜，酱汁酸酸甜甜，越食越开胃。海鲜鸭汤泡饭原个砂煲上枱，够晒热辣辣，材料有鸭肉、带子、虾肉等，汤底味道鲜甜，另配上脆米，令整个泡饭口感层次提升。