RuRu Tapas Restaurant (已結業)

放工同细佬一齐食野，今次拣咗间新开食西班牙菜既餐厅。一入到餐厅就觉得环境好靓好舒服~我地点咗3样野，包括生红虾刺身、红酒辣肉肠配全麦面包粒同埋西班牙黄油鸡。红虾刺身系将西班牙红虾拆壳之后再压扁，所以薄薄一片入面有好多只虾，食落好香海水味，上面加埋一粒粒既柚子汁分子料理同埋caviar。我地放喺薄脆既面包上食，毫无违和感！至于红酒辣肉肠配全麦面包粒，我地先食咗辣肉肠，食落带有咸香，味道微辣。将面包粒浸落红酒汁到之后再食，味道令人惊喜！最后系西班牙黄油鸡，佢好似八宝鸭咁，入面有满满既馅料。d馅料主要系猪肉肠粒同埋面包粒碎，咬落脆脆地，同嫩滑既鸡肉一齐食，口感好丰富。