楚撚記大排檔

营业中

休息中

平时甚少去食大排档，今次专诚冒着一号波黎食楚撚记。同平时大排档好唔同呢度好干净、企理，仲主打怀旧风，好适合影下相。两个人黎到叫咗3个撚手小菜。七味黄金炸一口金砖豆腐完全做到外脆口，内软滑。最好趁热食！食中式小菜一定叫我最爱之一，咕噜肉。呢度嘅菠萝拔丝咕噜肉用上梅头肉。炸皮轻轻包住猪肉，唔会过厚。甜甜酸酸好开胃。楚撚记原只脆皮炸猪手比较新颖嘅菜式。一开始以为系完只上，担心好难share，原来已经骨肉分离。猪手皮好似烧肉皮咁，厚身得黎脆卜卜。味道方面，咸咸地令人一口接一口，好岩配啤酒。可惜师妹唔饮酒，用可乐代酒都好。连白饭都与别不同，有邪恶之选：楚撚猪油捞饭。美食系零卡路里🥹，好彩嘅系可以自己落。系白饭上加葱，加豉油，再加精华嘅猪油，个人落嘅分量系1:1，已经可以食成碗饭。两个人食到饱饱，建议多啲人黎食，可以叫多几款小菜食。