南越南咖啡廳

营业中

休息中

喺旺角咁多选择都唔知食乜好，突然发现呢一间新式越南菜。呢间餐厅传统嘅越南餐厅都几唔同，佢可能材料一样，但系摆盘做法造型都好新颖。就好似米纸薄饼咁样，可能喺越南，米子通常系包住鲜虾同埋一啲配菜卷埋一齐做春卷，但系呢一度就用Pizza嘅形式做出嚟，呢个一定要趁热食，啱啱上嚟最好快快脆脆食咗佢摆耐咗就会林哂，变得唔好食。另外佢啲嘢饮都几特别，通常就系比个名吸引咗，见到荔枝云朵咖啡，忍唔住叫返杯，嚟到系真系有个泡泡好似晕咁样喺个杯顶上面，纯粹打卡，味道上就冇咩特别。额外都叫咗蟹肉酱配脆球饼、汤粉、小多士，但系味道上其实都冇乜特别，只系佢用一个新嘅形式同做法呈现出一啲越南风味。