飲茶‧私房菜 (南豐大廈) (已結業)

是日同朋友仔食生日午餐，友人拣咗南丰中心嘅饮茶，小女子我当然无意见（因为我系个group到一直潜水，sorry）其实我真系对依啲食物咁精致盏鬼嘅新派茶楼无咩兴趣，当然食物名系噱头，例如：睇住流奶，污糟拌面（点咗，细细碟，上菜时就有啲：下，就系咁，普通简单都唔想post）；而味道当然都占大半；所以今日纯属谂住唔好味番公司就食几块饼干顶肚。朋友订咗枱，所以都系等咗阵就有位，装潢设计都几潮，阳光光猛，位同位之间都唔会太近，坐都坐得舒服。容许我无对依个睇住流奶点样，我知好多人钟意吉个窿系前面或后面黎营造唔同效果，但，我真系做唔出🙈，我就正正常常一开二，同朋友share。个饱都算系咁，系流「奶」，但就欠缺奶黄/奶味，即系食紧个流汁嘅饱（明啦）而个对眼就系棉花糖做嘅，第一次试食～还可以啦！中环区，比起其他新派饮茶，依间价钱味道装潢绝对合理，所以成日都好爆，可以的话就最好打电话订枱先；同埋记住小心倾计呀，事关价钱/位置/味道都令依间餐厅成为人气之选，真系好容易撞到公司同事（我就撞到😒）