影片
更多
2024-08-10
2890 浏览
有个老友话一直好想试西班牙菜，就为佢拣咗几间心水嘅，最终决定嚟到炮台山嘅「ROJO」，因为食过好几次，觉得水准稳定，加上近期发现店家推出咗二人套餐，觉得抵食㖞，就扑锤嚟呢度。印象中，餐厅嘅环境无乜点大变，一室以黑白灰为主调，摩登时尚，喺多咗好些植物点缀吓！知道佢哋嘅西班牙小食有好多选择，主菜亦都唔错，不过，因为今次主要都喺睇啱佢个二人餐「ROJO Set for 2」，西班牙小食12款中拣5款，主菜就6拣1，不过，要留意部分菜式需要另外加钱，仲包埋一款指定甜品。成个餐折实定价$535，小食方面，似乎加入咗少少亚洲元素，例如油甘鱼、可乐饼、泡菜。Cool Mint $60、Pineapple Juice $36近排天气热焫焫，所以，我哋都先嗌番杯冻饮。老友就唔饮得酒，所以，拣杯菠萝汁，而小弟对酒亦兴趣不大，就拣呢杯Cool Mint，因为加咗大量薄荷叶，饮落真喺凉透心，下面仲有少少荔枝肉咬下。黑毛猪火腿、薯仔沙律、蛋黄酱先嚟一道沙律开胃吓，你可能会话薯仔沙律普通料啦，喺嘅，做得正正常常唔会有咩特别嘢，不过，加咗富油香嘅黑毛猪火腿，立时升咗几个层次，虽然唔知啲火腿熟成几多个月，但睇闪𫞠𫞠嘅
印象中，餐厅嘅环境无乜点大变，一室以黑白灰为主调，摩登时尚，喺多咗好些植物点缀吓！
知道佢哋嘅西班牙小食有好多选择，主菜亦都唔错，不过，因为今次主要都喺睇啱佢个二人餐「ROJO Set for 2」，西班牙小食12款中拣5款，主菜就6拣1，不过，要留意部分菜式需要另外加钱，仲包埋一款指定甜品。成个餐折实定价$535，小食方面，似乎加入咗少少亚洲元素，例如油甘鱼、可乐饼、泡菜。
Cool Mint $60、Pineapple Juice $36近排天气热焫焫，所以，我哋都先嗌番杯冻饮。老友就唔饮得酒，所以，拣杯菠萝汁，而小弟对酒亦兴趣不大，就拣呢杯Cool Mint，因为加咗大量薄荷叶，饮落真喺凉透心，下面仲有少少荔枝肉咬下。
黑毛猪火腿、薯仔沙律、蛋黄酱先嚟一道沙律开胃吓，你可能会话薯仔沙律普通料啦，喺嘅，做得正正常常唔会有咩特别嘢，不过，加咗富油香嘅黑毛猪火腿，立时升咗几个层次，虽然唔知啲火腿熟成几多个月，但睇闪𫞠𫞠嘅色泽及油脂，已经知喺高质嘢，食落咸香油润，肉质柔韧中有细腻。
油甘鱼他他配牛油果 +$18再嚟多一道带和风嘅开胃菜，将油甘鱼切成粒粒，再混入紫洋葱、红甜椒、牛油果造成他他塔，卖相非常之精致，又好有立体感，配以香脆嘅百吉包，味道多层次，酸香醒胃，确实唔错。不过，配多两片百吉包就仲好！
黑松露芝士风干火腿比坚尼名字改得好鬼马，简简单单加入黑松露酱、西班牙软芝士及风干火腿，因为用料上乘又十足，坚多黑松露酱，加上面包刻意用上薄薄嘅方包，仲将包面煎香过，入口时达至焦脆嘅口感，味道咸香再加黑松露独特幽香，成件事就变得更正。
黑松露芝士风干火腿比坚尼
1513 浏览
1 赞好
0 留言
炸西班牙蟹肉南瓜可乐饼简单嚟讲，就喺炸肉丸球，之但喺，用上蟹肉，自然升多一级，虽然唔算话有好重蟹味，但食得到一丝丝蟹肉；仲有，馅心嘅南瓜蓉搓得软滑粉香，而外层炸到脆而不腻，整体嚟请，仍觉得成唔错。
西班牙薯仔软腊肉肠蛋饼呢个唔使多介绍喇，西班牙蛋饼绝对喺西班牙小食中嘅经典。厚厚嘅蛋饼煎得金黄，份外吸引，啲蛋入口好软熟嫩滑；内里填满好多薯仔粒，更加有软滑溶透嘅芝士、咸香嘅西班牙软腊肠，够咬口，味道又丰富，令口感、食味都唔单一。
西班牙海鲜饭 +$38西班牙海鲜饭其中一个大特色就喺「大镬饭」，饭面铺满海鲜食材，包括虎虾、大蚬、青口、鱿鱼，加上啲海鲜几靓，可谓甚有睇头，而呢个份量，大概可以预2-3人享用。 不单只啲海鲜好有鲜味，饭底加入蕃红花、海鲜汤去煮，并混入少少猪腩肉，除鲜香之外，更有份咸香嘅惹味，且入口微微湿润，饭粒却好分明，的确好好食。
西班牙海鲜饭
195 浏览
0 赞好
0 留言
西班牙玉桂油条、朱古力酱、雪糕套餐所包嘅甜品喺指定嘅西班牙油条，呢一款甜品亦喺西班牙菜嘅经典。油条炸得金黄，脆而不腻，里面好软绵，洒咗唔少玉桂粉，多啲就更好，沾上朱古力浆，再配少少雪糕，份外美味，更有冰火嘅感觉。
再访ROJO果然够稳阵，啲食物保持到水准，怪唔之得就算今晚只喺闲日星期三晚，都可以咁旺场啦。
张贴
