明珠閣 (已結業)

团年饭级别的晚餐，黎到平时唔会去既餐厅食番餐。(可能个名吸引唔到我)不过食完觉得算唔错。一行五人，点左一个四人餐，另散叫几款菜式。四人餐有八款野食，加埋其余点叫夹埋超过十款，好丰富呀哈哈。三小碟之一，味道带麻辣同醋既木耳，算不上特别但几开胃。铁板上既叉烧，口感几特别，肉质较稔，但冇烧味个款咁既脆口。脆皮牛腩，牛腩老同实左啲，外皮系炸皮个种脆皮，系脆但觉得整体口感唔算好夹。炒蛋滑，带子弹，黑松露香，黑松露有融入落蛋入面，几好！鲍鱼系正常口味，较难得系配角既冬菇，菜都冇失礼！西兰花用xo酱炒，味道唔会差，虽然大棵既花，但唔觉得老。小笼包有唔少汤汁，肉汁甜，外皮稍为厚了少少干了少少，但整体还可以。炒饭有姜粒，香口，一啲都唔油，但可能就系少左啲油，未去到粒粒饭分明，有部份会黏住。云吞鸡唔错，菜，鸡，云吞，汤都系好味既。个名好奇妙，望落就似小学中学开party既小食，有鸭胸，蛋，青瓜，沙律酱同薯片(系底)，食落系几好但咁既价钱计性价比唔高。煎饺几出色，肉汁会爆出黎，外皮略脆唔㶶唔干。甜品简简单单，好食，唔会太甜，唔系吉落去就散既。餐厅环境不错，食得舒服，多人聚餐既一个好选择。