太元樓

营业中

休息中

今日黎城市花园旁边既太元楼食个早鸟中秋节饭，呢度环景唔错，装修时尚企理，而且唔会好似酒楼咁嘈。⭐️妙龄乳鸽见到网上个个都食，我地当然要试下，我地6个人叫左2只($28/1只)好抵食，食落仲系热热地，外表脆肉质嫩，又唔会有烧干既感觉。⭐️海鲜豆腐羹我地叫左例牌share食，豆腐好滑又唔容易散。⭐️赛螃蟹春卷第一次见赛螃蟹春卷，入面满满既蛋白同赛螃蟹肉，脆卜卜好好食。⭐️京城葱油饼新鲜炸起热辣辣，成个饼都比芝麻包住，所以食落好香，入既馅都唔少，食多几旧都唔会有油腻既感觉。⭐️干煸四季豆呢度干煸四季豆系唔辣既，四季豆够干身，肉碎加左虾米爆到好香，好开胃。⭐️酱爆鸡丁配料唔系好多，只有鸡丁同埋大葱，味道比较甜。