都爹利會館

营业中

休息中

之前帮老板订枱就订得多，终于今次有机会可以试试，因为唔想谂太多，所以就试试tasting Menu💪第一道菜喺前菜拼盘，有川味叉烧，松露蟹肉卷，酒糟素千层。叉烧就食得多，辣嘅叉烧，应该系第一次食，感觉几惹味。松露蟹肉卷，味道就清淡一点。素千层，唔系太食到酒糟嘅味道，可能川味叉烧嘅麻辣盖过咗🤣第二道菜系炖汤，淮山杞子红螺头炖鸡，鸡汤味道好浓郁，不错第三道菜系芝士牛油焗波士顿龙虾，卖相好精美，味道好香浓，底部加咗类似蒟蒻面，几挂汁😋😋第四道菜系四头鲍鱼伴腐皮件，腐皮件好淋，蚝油汁，味道好好，鲍鱼唔会好韧，亦都好入味👍第五道菜系脆皮本地牛坑腩，牛肉肉质好软熟，酱汁带少少酸酸甜甜，食落冇咁油腻，不错不错第六道菜系虾酱带子炒饭，食落唔会好油，因为前面𠮶几道菜非常出色，呢个炒饭相对地就普通少少🤣最后一道菜，姜汁奶冻，姜味好浓郁，但系食落唔会好辣口，亦都唔会好甜，做得几出色整体而言，今晚呢餐饭，食物味道和卖相都做得几好，服务都不错，果然系米芝莲一星，值得一试👍