綠茶餐廳 (希慎廣場)

营业中

休息中

专门食新派杭州菜嘅绿茶餐厅系希慎广场开咗喇！佢嘅装修主题系西湖盛宴，的确入去个感觉已经好杭州嘅感觉。侍应都着住传统中国服，门口仲放咗个古筝喺度㖭。叫咗佢哋最出名嘅龙井烤鸡。每一只都原只即叫即烤。上菜时候个底盘仲有龙井茶帮佢烟熏紧。由于用咗三黄鸡，所以可以做到皮脆肉嫩。切开嘅时候仲有汁水滴出嚟。另外花雕大虾亦都值得一试。醉酒汁偏甜，大虾就做得笔直挺身，好似食紧日本菜咁样。另外佢哋嘅虾汤泡饭亦都唔可以错过。食完正餐仲有甜品添，绿茶饼同埋江南定胜糕都几好食。定胜仲有四只唔同口味，有芝麻、枣泥、奶黄、绿茶。如果绿茶饼个馅就系芋泥。相当之唔错。