MAZ Thai & BBQ (已結業)

提起泰菜，大家会即时谂起冬荫功汤、菠萝炒饭、海南鸡饭等等经典菜式，呀……估唔到今日黎到呢度食泰菜，食到好多之前未食过既菜式，与其话系泰菜，我觉得更加似系fusion菜，真系几有惊喜！首先系泰菜馆食到生蚝都已经系一件好爆嘅事啦！有Smoky bay Tasmania同南非生蚝，$98半打，水准都可以媲美专食蚝既餐厅。塔斯马蚝入口带海水味，后带甜味，肉质比较丰厚；而南非生蚝 口感Creamy，海水味唔重，咸甜适中。最重要系唔腥，肉质肥美。呢度都几多海鲜食，应该系佢地主打菜式，好似呢个自家制辣酒蒜蓉虾，$166，蒜香中食到酸酸辣辣嘅味道，虾肉几鲜香，浅浅嘅辣味其实几适合佐饭。既然海鲜咁强，唔争在仲埋个泰式汁煮荷兰新鲜蓝青口，$266，新鲜、厚肉、较甜，用充满泰式风味既汁去煮到入味，两者互不抢味，仍然食得出蓝青口嘅鲜甜。最后当然唔少得要有d淀粉质落肚先够饱，如果唔系返到屋企咪要煮公仔面？拣左D24榴薄饼，$66，焗完之后可以见到表面嘅芝士完全融化，而且闻到浓烈榴梿香味，拎上手即刻可以拉丝。香脆饼底可以中和返饱滞感，劲邪恶、劲好味！呢度嘅环境亦有别于一般泰菜馆，整体上几有新鲜感。