影片
更多
2023-11-17
47 浏览
前排OpenRice见到一间好有特色嘅餐厅，系食中菜，但装修唔系普通嘅中式餐厅，所以决定试吓入到去侍应比咗碗蜜糖爆谷比我地，爆谷唔会太过甜，啱啱炸好热辣辣，好好食，呢个饭前小食可以俾我哋等主菜嚟嘅时候填下个肚先～潮式卤水拼盘（三选）野食方面我哋拣咗卤水鹅肉、慢煮盐香鸡、猪仔髀。嘢食嚟到嘅时候个盘仲会有蜡烛喺下面㷫，所以啲嘢食保持暖笠笠。卤水汁唔会过咸，肉质同卤水豆腐都嫩滑。店员另外都拎咗蒜蓉白醋同埋辣油俾我哋点，两个汁都好味。兰王蛋蚝饼蚝饼入面有好多大大粒嘅蚝仔，食落去鲜甜唔腥，成块蚝饼煎得好香脆，略嫌炸粉多咗啲啲，所以食落会有啲啲油腻。潮式方鱼BB西兰花呢个一上菜好有惊喜，因为印象中嘅西兰花都系平时食开细细棵，原来呢个BB西兰花系好长。味道方面都好清甜，炒得好翠绿，用埋潮州方鱼嚟炒带出咗浓郁嘅味道。冻蜜桃香茅乌龙茶侍应一拎嚟嘅时候以为系支酒嚟，个罐包装得好靓，呢个乌龙茶饮落去唔会太多茶味，因为蜜桃嘅甜味同茶嘅甘味中和咗，饮落去都好清新。荔枝接骨木梳打甜甜地同好清新🤪
入到去侍应比咗碗蜜糖爆谷比我地，爆谷唔会太过甜，啱啱炸好热辣辣，好好食，呢个饭前小食可以俾我哋等主菜嚟嘅时候填下个肚先～
潮式卤水拼盘（三选）
野食方面我哋拣咗卤水鹅肉、慢煮盐香鸡、猪仔髀。嘢食嚟到嘅时候个盘仲会有蜡烛喺下面㷫，所以啲嘢食保持暖笠笠。卤水汁唔会过咸，肉质同卤水豆腐都嫩滑。店员另外都拎咗蒜蓉白醋同埋辣油俾我哋点，两个汁都好味。
兰王蛋蚝饼
蚝饼入面有好多大大粒嘅蚝仔，食落去鲜甜唔腥，成块蚝饼煎得好香脆，略嫌炸粉多咗啲啲，所以食落会有啲啲油腻。
潮式方鱼BB西兰花
呢个一上菜好有惊喜，因为印象中嘅西兰花都系平时食开细细棵，原来呢个BB西兰花系好长。味道方面都好清甜，炒得好翠绿，用埋潮州方鱼嚟炒带出咗浓郁嘅味道。
冻蜜桃香茅乌龙茶
侍应一拎嚟嘅时候以为系支酒嚟，个罐包装得好靓，呢个乌龙茶饮落去唔会太多茶味，因为蜜桃嘅甜味同茶嘅甘味中和咗，饮落去都好清新。
荔枝接骨木梳打
甜甜地同好清新🤪
张贴
