影片
更多
2023-12-02
21 浏览
难得移居澳洲嘅表弟返港数天, 把握时间一聚, 带咗佢去iSquare新开一间潮州菜馆食dinner, 呢度仲供应各款酒类饮品, 啱哂佢心水。「潮艺馆」环境气氛对比传统打冷舖头大有不同, 呢度装修几有气派, 干净企理、舒服得多。入座先送上热茶、潮式冷盘小食, 包括了面筋、东菇片等等…我地两个人人少想食多几款野, 最后拣咗个---晚市二人餐 HK$988串茄核桃沙律:串茄仔底部塞咗核桃+沙律酱入去, 一咬爆汁, 口感特别。普宁布包豆腐:布包外层微脆, 内层绵滑, 有甜甜嘅豆香。茅台醉鲍鱼:鲍鱼爽弹, 腌得入味, 香醇茅台令鲜味鲍鱼再多点甘香, 更加提鲜。胡椒猪肚汤:用小火轻轻兴住上台, 汤头胡椒香劲重, 味道愈饮愈辣, 辣得很有后劲, 猪肚吸咗汤汁入味又林, 酸菜爽硬, 不过完全唔酸。日本椒仔炒嫩牛:牛肉好林, 而且冇筋, 日本椒仔爽脆清甜, 跟牛肉一齐食, 有助平衡油腻。碧绿川椒鸡:鸡肉嫩滑, 炒得香口, 微辣惹味。 蚬肉鹅肝炒饭:饭炒得粒粒分明, 带点湿润, 蚬肉超细粒, 有如饭粒般size, 鹅肝令整体味道带微咸鲜。套餐甜品--燕麦一口薯:紫薯、金薯各两件, 软糯清甜, 表层布满燕麦
「潮艺馆」环境气氛对比传统打冷舖头大有不同, 呢度装修几有气派, 干净企理、舒服得多。
入座先送上热茶、潮式冷盘小食, 包括了面筋、东菇片等等…
我地两个人人少想食多几款野, 最后拣咗个---晚市二人餐 HK$988
串茄核桃沙律:串茄仔底部塞咗核桃+沙律酱入去, 一咬爆汁, 口感特别。
普宁布包豆腐:布包外层微脆, 内层绵滑, 有甜甜嘅豆香。
茅台醉鲍鱼:鲍鱼爽弹, 腌得入味, 香醇茅台令鲜味鲍鱼再多点甘香, 更加提鲜。
胡椒猪肚汤:用小火轻轻兴住上台, 汤头胡椒香劲重, 味道愈饮愈辣, 辣得很有后劲, 猪肚吸咗汤汁入味又林, 酸菜爽硬, 不过完全唔酸。
日本椒仔炒嫩牛:牛肉好林, 而且冇筋, 日本椒仔爽脆清甜, 跟牛肉一齐食, 有助平衡油腻。
碧绿川椒鸡:鸡肉嫩滑, 炒得香口, 微辣惹味。
蚬肉鹅肝炒饭:饭炒得粒粒分明, 带点湿润, 蚬肉超细粒, 有如饭粒般size, 鹅肝令整体味道带微咸鲜。
套餐甜品--燕麦一口薯:紫薯、金薯各两件, 软糯清甜, 表层布满燕麦脆片增多点点甜同埋口感层次。
题外话/补充资料：
茶位: HK$28/位
潮式冷盘小食: HK$38/碟
(以上食记乃用户个人意见 , 并不代表OpenRice之观点。)
张贴
