彩興來來火鍋 (已結業)

因为要同两个朋友去攞新嘅身份证，所以下午就去咗位于将军澳嘅新身份证换领处，顺便可以睇吓张新嘅身份证有几靓，去到都系个零钟就走得，都算快手，跟住我地几个人就走咗去系新嘅身份证换领处附近嘅彩兴来来火㶽度，食埋嘢先走，因时间尚早，所以可以拣位座，侍应俾咗𠮶点餐纸我地拣选汤底及配料，汤底朋友拣咗胡椒猪肚汤，配料就有手切本地雪花肥牛，蔬菜拼盘，黑松露鲜虾饺，黑栢叶，个汤底好特别，从来未食过咁样整嘅汤底，侍应先将胡椒猪肚汤嘅材料放落个锅度抄热先，再放啲汤落佢，煮滚约，十分钟，先饮汤，再渌嘢食，胡椒猪肚汤辣辣地，饮完成身暖晒，再放啲手切雪花肥牛落去渌，真系冇得顶，只要渌几秒就食得，入口即溶，牛味浓郁，黑松露鲜虾饺，劲多黑松露，虾又大只，黑栢叶又爽，易食，食埋个蔬菜拼盘就啱啱好啦，因为都有唐生菜， 蕃茄，粟米 ，土豆片，娃娃菜，金菇，呢啲蔬菜索晒啲胡椒猪肚汤同埋其他火锅配料嘅精华，真系超好味，朋友话佢下次可以同埋屋企人落呢食就得啦。