ICONIC H 特色熱狗店 (已搬遷) 新店位置

今日o系红磡见个客，见客前目有少少时间，就肚周围咁揾下野食，行行下就见到呢间主打热狗既专门店，见几得意就入去试下吧。叫左个「松叶蟹狗」，材料包括有松叶蟹肉、牛油果、翡翠苗、明太子沙津酱、法兰克福肠，满满既松叶蟹肉放满整个热狗当中，而且好好鲜甜，一丝扣一丝既蟹肉在口腔中打滚旋转中起舞，肉味浓既法兰克福肠配埋牛油果、翡翠苗、明太子沙津酱，咸香鲜甜集于一身，清新感之中不失啖啖肉既感觉，呢种生活态度的确幸福。「黑松露炸薯条」讲到食著条黎讲，我都算讲究，我特别喜欢食肉肉薯条，最好食既就系薯条内充满著啖啖既薯肉，外脆内软，每一啖都被著肉包围住，配埋店主自家制既黑松露酱，既有蛋黄酱既香味，黑松露亦得突出，两者加埋真心无敌。