影片
更多
2021-10-06
220 浏览
星期日行完中环街市再食晚饭，过返去IFC𠮶边睇吓有乜啱食。我哋喺二楼见到有间新餐厅「4口」，上一手舖位系卖咸蛋薯片。其实系我太耐无行，餐厅好似都开咗好几个月🤣。餐厅门面非常型格，乍看之下你会以为佢系一间文青店或者日式料理店，谁不知佢卖嘅系福建菜🥢，睇餐牌菜式更觉正宗，但亦不乏新派元素。题外话，舖头前身系零售店，𠮶阵都唔觉佢面积咁大。呢度装修时尚，衬色几靓，打卡一流。小店所提供嘅菜式选择唔多，不过佢同时亦有另一身份，就系咖啡店。呢度有专业咖啡师驻场，冲出各式咖啡☕️，并有售卖手工曲奇🍪，实在意想不到。小海鲜焖薯粉($138)，或者我对「焖」呢个煮法唔太熟悉，我无预期过佢系一碗汤面🍜，但味道完全无问题。佢嘅用料同一般福建炒米粉无异，包括有鲜虾🦐、蚬肉、小柱、豆卜、冬菇、紫菜、菜同葱等。汤底够热够清，唔浓唔淡，味道恰到好处，成碗饮晒。薯粉粗身如河粉，口感烟韧，但个人认为面条就未算最吸引之处。干炸荔枝肉($88)，佢系夏季特选菜式嘅熟食料理☀️，本身以为佢系小食，好彩一问之下先发现原来系主食，配白饭🍚。荔枝肉系指猪梅花肉🐷，炸浆则用上木薯粉。炸肉皮薄酥脆，肉质细嫩多汁，即炸即食好正，但佢自身就无乜
星期日行完中环街市再食晚饭，过返去IFC𠮶边睇吓有乜啱食。我哋喺二楼见到有间新餐厅「4口」，上一手舖位系卖咸蛋薯片。其实系我太耐无行，餐厅好似都开咗好几个月🤣。
餐厅门面非常型格，乍看之下你会以为佢系一间文青店或者日式料理店，谁不知佢卖嘅系福建菜🥢，睇餐牌菜式更觉正宗，但亦不乏新派元素。题外话，舖头前身系零售店，𠮶阵都唔觉佢面积咁大。呢度装修时尚，衬色几靓，打卡一流。
小店所提供嘅菜式选择唔多，不过佢同时亦有另一身份，就系咖啡店。呢度有专业咖啡师驻场，冲出各式咖啡☕️，并有售卖手工曲奇🍪，实在意想不到。
小海鲜焖薯粉
$138
15 浏览
0 赞好
0 留言
小海鲜焖薯粉($138)，或者我对「焖」呢个煮法唔太熟悉，我无预期过佢系一碗汤面🍜，但味道完全无问题。佢嘅用料同一般福建炒米粉无异，包括有鲜虾🦐、蚬肉、小柱、豆卜、冬菇、紫菜、菜同葱等。汤底够热够清，唔浓唔淡，味道恰到好处，成碗饮晒。薯粉粗身如河粉，口感烟韧，但个人认为面条就未算最吸引之处。
干炸荔枝肉
$88
2 浏览
0 赞好
0 留言
干炸荔枝肉($88)，佢系夏季特选菜式嘅熟食料理☀️，本身以为佢系小食，好彩一问之下先发现原来系主食，配白饭🍚。荔枝肉系指猪梅花肉🐷，炸浆则用上木薯粉。炸肉皮薄酥脆，肉质细嫩多汁，即炸即食好正，但佢自身就无乜味，所以一定要沾酸汁食嚟吊味。炸肉除咗好食之外，仲要唔油，而且份量激多，可能有成廿嚿😳！
猪蹄水晶冻($32)，福建菜嘅小食主打海鲜类，但我唔食得🙈，选择即刻少咗一半。水晶冻类似肴肉嘅制法，水晶层用上咸香十足嘅高汤整成，并混入猪蹄肉碎，带点口感，整体食落几得意。
润肺枇杷冻
$32
3 浏览
0 赞好
0 留言
祁门红枣蛋糕(原价$38)，蛋糕比较迷你，略嫌定价偏贵。下午茶时段嗌饮品可以用优惠价加配，但其实都只系平咗$6，哈😅。不过蛋糕味道唔错，散发住红枣香，甜度适中，亦够松软。
冻柠檬桂花水
$48
2 浏览
0 赞好
0 留言
总括嚟讲，呢间小店满有惊喜，佢除咗有靓装修之外，食物质素同样优秀😋。此外，店员嘅服务态度抵赞，佢哋对菜式内容非常熟悉。餐厅嘅上菜速度亦都好快，食物热辣辣送上，咁样足以证明厨房嘅准备充足👍。
张贴
