尚夢・茳煳 (已結業)

好耐冇食过中菜啦！呢日去咗尚梦・茳煳食晚餐，餐厅共有两层，楼上系厢房，私隐度较高，地下系卡位，点咗几款小菜味道都唔错！榄菜榄角上肉排($98)肉排肉质软腍，肥瘦均匀，甜甜嘅酱汁配搭咸香嘅榄菜，咸咸甜甜，非常惹味！盐烧野生黄鱼($158)原条野生黄鱼炸至脆卜卜，每个位都食得，上面洒上孜然粉，香脆惹味。花胶海参虾米浓汤杂菜($158)超级推荐！大大嘅一煲，放满不同嘅时蔬，例如：西兰花，白菜仔及菜心，面头有花胶，海参，菇类及虾米，材料舖得满满，非常丰富！高汤好鲜甜，杂菜吸收汤嘅鲜味，好好食！中间亦有粉丝，完全冇浪费！