素年 (福隆大廈)

营业中

休息中

今日同朋友去咗深水埗素年食飯，聽個名就知道係食素嘅餐廳，叫左平時都好鍾意食嘅日式咖喱吉列豬扒意大利飯，個飯又幾好食，而且個豬扒都真係好似豬扒，仲好大碟添。本地有機青瓜牛油果藍莓蘋果沙律🥗仲有粟米、新鮮嘅沙律菜、瓜子仁配自家製蘋果紅菜頭沙律汁特別又健康。主食配可餐飲品京都字治玄米茶或斯里蘭卡伯爵茶，亦可升級任何一款飲品包括酒精類飲品，正價減$12。追加甜品可以正價減 $10，本來想叫日本南高梅柚子青提慕絲蛋糕及糖漬檸檬伯爵茶杏仁撻，點知原來甜品真係會賣晒㗎，結果就叫多幾個小食。黃薑焗福花配自家製乳酪、香芋番薯波波各有特色，香芋番薯波波食完一粒又想食一粒，係一款好香口嘅甜品。